Силно невреме го погоди италијанскиот град Кремона во Ломбардија. Врнеше силен дожд, а ветрот корнеше дрвја и покриви.
Во некои делови од градот дрвја паднаа врз автомобили. Поради невремето блокирани се неколку патишта, јавуваат локалните медиуми.
Во близина на градот Пјаченца, сопственик на фарма загинал во невремето откако ѕидот од шталата се урна врз него, пишува Gazzetta di Parma.
На северот на Италија невремето урна и дрвја на пругата, а оштетена е и техничката опрема, па многу возови доцнеа.
#Cremona #maltempo #estatefolle #ClimateEmergency pic.twitter.com/TBo0sFdCiH
— 🆁🆅 (@rrtvln) July 4, 2022
И за денеска во Ломбардија е издаден жолт метео аларм, а се очекува ново невреме со грмежи.
Инаку, италијанската влада прогласи вонредна состојба поради големата суша која зафати делови од земјата.
Северот на земјата е особено погоден, а големите езера содржат многу помалку вода од вообичаеното во овој период од годината.
Пад, најдолгата река во Италија, со делта во близина на Венеција, на некои точки долж нејзиниот тек е на најниското ниво во последните 70 години, со солена вода која достигнува километри горе.
Video 😳😱🇮🇹👉https://t.co/kjiMSIntjK
High Wind and storm hit in Cremona City, Italy! – Cremona tempesta – Maltempo Cremona#Wind #storm #Cremona #tempesta #Maltempo #Cremonatempesta pic.twitter.com/e6chi8M5pz
— World News Araştıran İnsan (@RH_News_World) July 4, 2022
Градовите Пиза и Верона воведоа ограничувања за вода, а Венеција и Милано исклучија некои од нивните фонтани.
Зголемената сериозност и зачестеноста на сувите периоди во медитеранскиот регион во голема мера се припишуваат на климатските промени.