Израелскиот премиер Бенјамин Нетанјаху рече дека целта на израелската армија е да ги врати жителите на северот на Газа во областа откако ќе се воспостави безбедност.
Во меѓувреме, израелската армија објави дека нема безбедносни пречки за жителите на израелските населби во домет од повеќе од 4 километри од границата со Газа.
„На југ имаме една едноставна цел – целосна победа“, рече Нетанјаху од неговиот кабинет, а пренесува „Тајмс оф Израел“.
„Ние сме на пат да го елиминираме Хамас и да ги ослободиме нашите заложници. Нема да мируваме додека не постигнеме целосна победа“, рече тој.
Потоа зборуваше за цели на Израел во северниот дел на Газа.
„На север имаме едноставна цел – да ги вратиме жителите. За да ги вратиме жителите, мора да го вратиме чувството на безбедност, а за да го вратиме чувството на сигурност, мора да ја вратиме безбедноста, што ќе го направиме“, рече Нетанјаху.
Тој ја коментираше и ситуацијата на границата со Либан, велејќи дека Израел е подготвен да ја врати безбедноста на север со сите можни средства.
„Во секој случај, Хезболах треба да разбере: ќе ја вратиме безбедноста. Се надевам дека ќе ја добијат оваа порака“, подвлече тој.