Неколку интервенции во последното деноноќие бележат кумановските пожарникари.
Како што информираат од Регионалниот центар за управување со кризи пррвата интервенција била на запалена сува трева и смет на улицата „Анѓа Ранковиќ“ во населбата Перо Чичо. Во период 0д 14:20 до 15:10 часот интервенирале тројца пожарникари.
Сува трева во период од 15:10 до 16:05 часот, тројца пожарникари гаснеле и во атарот на селото Тромеѓа.
Нискостеблести дрвја, сува трева и смет се запалиле во кругот на касарната „Боро Менков“ на улицата „11 Октомври“. Како што стои во извештајот на РЦУК, во период од 16:00 до 17:00 интервенирале петмина пожарникари со две возила, но околу 18:35 часот дошло до повторно активирање на пожарот, при што истиот целосно бил изгаснат во 20:45 часот.