Времето денеска низ Македонија ќе биде претежно сончево и многу топло со слаб до умерен ветер од западен и југозападен правец.
Максималната температура ќе биде во интервал од 33 до 40 степени, информираат од Управата за хидрометеоролошки работи.
Времето денеска во Куманово ќе биде сончево и многу топло.
Ќе дува слаб до умерен ветер од југоисточен правец.
Утринската температура ќе се движи околу 16 степени, додека максималната дневна се очекува да се искачи до 39 степени целзиусови.
Од страна на УХМР за регионот на Куманово е издадено портокалово метео предупредување за опасност од високи температури.
Утре низ кумановско ќе имаме сончево и уште потопло време. Температурата во утринските часови ќе се движи ококу 19 степени, а дневниот максимум ќе достигне високи 40 степени целзиусови. Ќе дува слаб до умерено засилен ветер од западен и југозападен правец.
Во среда ќе имаме сончево и многу топло време. Ќе дува слаб до умерен северозападен ветер, а температурата ќе биде во интервал од минимални 19 до максимални 37 степени.
Четврток носи повторно сончеви многу топло време со слаб до умерен ветер од запад и југозапад. Утринската температура ќе се движи околу 17 степени, а максималната дневна се очекува да достигне 40 степени целзиусови.
Петок ќе биде најтопол ден оваа работна седмица. Ќе дува слаб до умерено засилен југозападен ветер, а температурите ќе се движат од минимални 18 до максимални 41 степен целзиусов.
Во сабота ќе имаме сончево и многу топло време со слаб до умерено засилен југозападен ветер. Температурата во утринските часови ќе се движи околу 18 степени, а дневниот максимум се очекува да достигне 38 степени целзиусови.
Недела носи нестабилност и драстичен пад на температурите. Ќе имаме променливо облачно време со услови за дожд и грмотевици во попладневните часови. Ќе дува слаб до засилен ветер од северен и североисточен ветер кој на моменти ќе надминува брзина од 40 километри на час. Утринската температура ќе се движи околу 17 степени, а дневниот максимум ќе достигне 29 степени целзиусови.
Следната работна недела ќе имаме попријатни температури, но и натаму сончево време.
Никола Ивановски