Времето денеска низ Македонија ќе биде сончево со мала до умерена облачност и претежно тивко, а по котлините во поголем дел од денот магливо и со ниска облачност.
Минималната температура ќе биде во интервал од -3 до 4, а максималната ќе достигне од 5 до 15 степени.
Во Куманово и околината денеска ќе имаме претежно сончево време со мала облачност.
Ќе дува слаб до умерен ветер од јужен правец.
Утринската температура ќе се движи околу еден степен под нулата, додека максималната дневна се очекува да достигне 11 степени целзиусови.
Утре ќе имаме претежно сончево време со мала облачност и слаб до умерен јужен ветер. температурата во утринските часови ќе се движи околу 2 степени, а максималната дневна се очекува да достигне 10 степени целзиусови.
Среда носи облачно време со врнежи од дожд. Ќе дува слаб до умерен ветер од јужен и југозападен правец. Минималната температура ќе се спушти до 4 степени, а максималната ќе се искачи до 11 степени целзиусови.
Претежно облапно време со кратки сончеви периоди ќе имаме во среда. ќе дува слаб до умерен југозападен ветер, а температурата ќе биде во интервал од минимални 3 до максимални 13 степени целзиусови.
Во петок ќе имаме променливо облачно време со слаб до умерен западен и југозападен ветер. утринската температура ќе се движи околу 2 степени, а максималната дневна се очекува да достигне 13 степени целзиусови.
И во сабота ќе имаме променливо облачно време со ветер од јужен и југоисточен правец, со слаб интензитет. Температурата ќе биде во интервал од минимални 2 до максимални 13 степени целзиусови.
Недела носи сончево време со слаб до умерен североисточен ветер. Температурата во утринските часови ќе се спушти околу два степени, додека максималната дневна се очекува да достигне 8 степени целозиусови.
Слично време, но со нешто пониски дневни температури ќе имаме и во текот на следната работна недела.
Никола Ивановски