Кога било каде во светот ќе нарачате пиво, очекувате да го добиете во шише, лименка или во чаша. Меѓутоа, во едно гратче во Кина, пивото го купуваат на сосема поинаков начин – во пластично кесе.
Во градот Киндгао во Кина, мештаните имаат необичен начин да го купат омилениот пијалак. Тие пибо купуваат во пластични кеси.
Продавачот Ванг Жицаи, кој дневно продава и до 13 барели пиво, вели дека мештаните одамна тука го купуваат омилениот пијалак во пластични кеси.
– Тоа е практично и многу лесно, рекол тој.
Loading...
По купувањето на пивото, мештаните го носат дома, а потоа го ставаат во чаша и го пијат како и сите останати.
Постои уште еден начин да пијат пиво од кеса, а тоа е кога ќе направат дупка од страна.
– Луѓето во Киндгао пивото од кесе го пијат во последните 30 години, но никој не знае зошто и како пивото започнало да се продава на тој начин, рекла Сун Лин која води еден бар во овој град.
Во нејзиниот бар пивото се продава во нови пластични кеси кои се еколошки поволни и имаат паметно лого од страната.
– И покрај се големата кампања за забрана на пластичните кеси, луѓето нема лесно да се откажат од пивото во нив. Тоа е дел од нивниот живот, ги користат одамна и мислам дека така ќе остане и во иднина, рекла Сун.