Дали Кристофер Колумбо бил навистина од Џенова? Или бил Шпанец? Или Португалец, можеби Грк или дури Полјак?
Непознатото за потеклото на славниот истражувач може да се реши за пет месеци, бидејќи меѓународните научници во средата започнаа да ги анализираат неговите остатоци од ДНК, во надеж дека ќе можат да ги идентификуваат неговите корени.
Заклучокот од анализата се очекува во октомври.
Малку е познато за раните години на славниот морнар од 15 век. Важен напредок во создавањето на поцелосен профил на истражувач кој починал пред 515 години беше постигнат во 2003 година кога ДНК анализите потврдија дека коските закопани во гробница во Севилската катедрала се навистина на Колумбо.
Но, по тој наод, група истражувачи од Универзитетот во Гранада, кој го спроведува истражувањето, ја прекинаа истрагата. Причината беше што тогашната ДНК технологија не беше точна ниту веродостојна и бараше големо количество генетски материјал.
„Тајната“ за потеклото на Колумбо
Во меѓувреме, науката направи голем напредок. Хозе Антонио Лоренте, професор по медицинска форензика на Универзитетот во Гранада, вели дека имало „радикално подобрување“ во ДНК анализата, па затоа сега е можно да се анализираат многу мали фрагменти од примероците.
„Примав десетици агресивни мејлови во кои ме прашуваа зошто го прекинавме истражувањето. Тие ме замолија да ја откријам „тајната” за потеклото на Колумбо”, рече шефот на проектот Лоренте на онлајн прес-конференција.
„Само да можевме да го утврдиме тоа пред 16 години, бидејќи тогаш ја немавме потребната технологија. Науката не е наука ако не ги исполнува максимално неопходните услови”, додаде тој.
Неговите коски патувале исто како и тој
Истражувачите во моментов работат на четири парчиња коска од Колумбо, седум остатоци од коски, на забот на неговиот син Хернандо и исто така на десетина фрагменти од коски на неговиот брат Диего, кои се во лоша состојба.
Овие остатоци ќе бидат испратени за генетска идентификација во лабораториите во Рим и Фиренца во Италија, како и во лабораториите во Мексико и САД, иако истражувањето се координира од Гранада.
„Процесот на работа ќе биде независен. Нема да има никакви врски помеѓу овие лаборатории со цел да се зачува објективноста на наодите. Кога сите ќе завршиме со работата, ќе дојдеме до сто заклучоци”, објасни Лоренте, а пренесува Индекс.
Тој лично верува во општо прифатената теорија дека Колумбо бил од Џенова, но додава дека проектот има за цел да реши некои „загатки и противречности“ во историската приказна и да добие „што е можно повеќе информации за да не може повеќе да се дискутира“ за потеклото на Кристофер Колумбо.
Како вовед во делото, Универзитетот во Гранада во средата беше домаќин на научници, како што Лоренте го нарече „првиот состанок на светот на истражувачите од Колумбо“, кои изнесоа разни теории за неговото потекло.
„Се надевам дека истражувањето ќе покаже дека Колумбо бил шпански благородник, а не морнар од Џенова“, изјави за Гардијан Алфонсо Санц, историчар-аматер и писател кој верува дека Колумбо е роден во централна Шпанија.
Патувањата на истражувачите во странство во име на шпанската монархија од 1492 и 1504 година ја отвориле вратата за европска колонизација на Америка, што Европејците тогаш го нарекле „Нов свет“.
Колумбо починал на 20 мај 1506 година и бил погребан во манастир во шпанскиот град Ваљадолид, иако наводно сакал да биде погребан во Америка.
Од Ваљадолид, неговите посмртни останки биле префрлени најпрво во Севиља, потоа во Доминиканската Република, потоа во Куба, и на крај повторно во Севиља.