Чоколадото е дефинитивно омиленото уживање на повеќето луѓе, а оние кои навистина го сакаат велат дека консумирањето чоколадо е „искуство за сите сетила“. И, ако ѝ се верува на науката, ова тврдење не е далеку од вистината.
А зошто чоколадото ни го подобрува расположението, се обидуваме да дознаеме во продолжение.
Фенитиламин
Прв на листата на магични својства на чоколадото е фенитиламинот. Тоа е хемикалија која мозокот ја лачи кога сме заљубени. А мозокот е тој што го лачи кога јадеме чоколадо. Фенитиламинот влијае на производството на ендорфин и ја подобрува активноста на допаминот и серотонинот. Оваа хемикалија се смета и за силен антидепресив.
Теобромин
Слично на кофеинот, теоброминот ги блокира адено рецепторите, кои влијаат на заморот. Теоброминот се наоѓа во чоколадото, како и во семките од макамбо и влијае на будноста и нивото на енергија.
Магнезиум
Желбата за чоколадо за време на ПМС и во првите денови од менструалниот циклус не е случајна. Имено, чоколадото содржи релаксирачки магнезиум кој ја намалува анксиозноста и грчевите.
Кофеинот
Дваесет и осум грама чоколадо содржи околу 24 милиграми кофеин, што е сосема доволно за да се подигне енергијата во нашето тело. Во комбинација со теобромин, чоколадото нè прави повнимателни и поенергични.
Л-триптофан
Претходник на серотонин, Л-триптофан е хемикалија која влијае на состојбата на релаксација.
Полифеноли
Храната богата со полифеноли го подобрува расположението, бидејќи ги спречува когнитивните нарушувања. Ова се антиоксиданси кои ни даваат сила и енергија и го подобруваат расположението.