Наставничка по биологија во средно училиште во Џорџија е уапсена под обвинение за сексуален напад врз ученик, при што едно од наводните дела се случило во плакар во училиштето.
Марис Николс, 25, која предавала во средното училиште „Александар“ во Дагласвил, е уапсена во петокот, објави канцеларијата на шерифот на округот Даглас, објавува „Њујорк пост“.
Имала односи и во училиште и во автомобилот
Истражителите тврдат дека Николс имала сексуални односи со истиот ученик најмалку двапати за само две недели, според налог за апсење добиен од 11Alive.
Првиот инцидент се случил на 23 април во плакар помеѓу училниците во средното училиште.
Друг пат, Николс наводно го нападналa истиот ученик во „Хамер“ паркиран во дворот на куќа во Дагласвил.
Досега не е познато чиј е автомобилот и пред чија куќа бил паркиран.
Профилот на Марис Николс оттогаш е отстранет од официјалната веб-страница на средното училиште.
Училишниот систем во округот Даглас испрати писмо до родителите во кое се вели дека е започната истрага штом се дознале обвинувањата.
„Безбедноста на учениците е наш највисок приоритет. Однесувањето за кое станува збор е неприфатливо и ги крши професионалните стандарди до кои мора да се придржуваат сите вработени“, се вели во писмото.
На почетокот на минатата недела, округот објави дека една наставничка е суспендирана во исчекување на истрага, но во тоа време не потврдија дека станува збор за Николс.
Училиштето ја суспендираше наставничката
Николс почнала да работи во средното училиште Александар во април 2023 година како раководител на операциите на училишниот американски фудбалски тим.
Еден месец подоцна, таа била вработена и како професорка по биологија и ги извршувала двете функции истовремено, како што наведува на својот профил на LinkedIn.
Дипломирала на Универзитетот Либерти, приватен евангелистички христијански универзитет познат по својот строг кодекс на однесување.
Според правилникот објавен на нивната веб-страница, од учениците се очекува да „се воздржат од сексуални активности надвор од бракот како што е дефинирано во Библијата“.
Марис Николс е обвинета за две точки од обвинението за сексуален напад од страна на лице со надзорни или дисциплински овластувања.
Таа моментално е во затворот во округот Даглас, а кауцијата е одредена на 40.000 долари.