Куќата што Диего Марадона им ја подари на своите родители, два автомобили БМВ и писмо од покојниот кубански лидер Фидел Кастро се дел од наследството на аргентинскиот фудбалер што ќе биде продадено на аукција на 19 декември, објави локалното правосудство.
Јавната распродажба ќе се организира во договор со наследниците на победникот на Светското првенство во 1986 година, во чиј дел, на 25 ноември, ќе се организира комеморација.
Судот одлучил да ги исклучи предметите од афективна вредност од продажбата на недвижен имот и лични предмети, како дресови кои ги донеле други играчи на погребот на аргентинскиот фудбалер
Писмото на Фидел Кастро е од периодот кога Марадона во два наврати престојуваше на Куба во обид да се ослободи од тешката зависност од дрога, а потоа се спријатели со кубански револуционер.
Еден од автомобилите БМВ со потпис „Pibe de oro“ – златно момче, изгравирано на шофершајбната ќе се нуди по почетна цена од 165.000 долари.
Куќата што Марадона ја купи за своите родители се наоѓа во областа Вила Девото во Буенос Аирес. Агенцијата за недвижности наскоро ќе објави оглас за прибирање понуди на порталите ширум светот.
Приходите од лицитацијата ќе бидат наменети за отплата на долговите на починатиот фудбалски шампион и нема да бидат поделени со неговите наследници.