Најмалку 27 лица беа убиени во напад од вооружени лица врз џамија во покраината Кацина на северот од земјата.
Тие беа убиени за време на молитвата во вторник околу 04:00 часот по локално време, кога вооружени лица отворија оган, објавува Ројтерс.
Локален функционер изјави дека нападот најверојатно бил одмазда за акцијата на жителите на Унгуван Мантау кои поставија заседа и убија неколку вооружени лица во областа во текот на викендот.
„Десетици вооружени групи, исто така, го искористуваат ограниченото присуство на безбедносните сили во регионите богати со минерали со извршување напади врз села и по главните патишта“, изјави локален функционер.
Одделено од конфликтот меѓу земјоделските и сточарските заедници, Нигерија се бори да го смири бунтот против милитантната исламистичка група Боко Харам на североисток, каде што Обединетите нации велат дека околу 35.000 цивили се убиени, а повеќе од два милиони луѓе се раселени.