Најмалку шест лица загинаа, а едно е повредено во напад со нож во градинка во кинеската провинција Гуангдонг, соопшти полицијата за Би-Би-Си.
Три деца загинаа, а другите жртви се учител и двајца родители, пренесе АФП, повикувајќи се на локален градски претставник.
Полицијата соопшти дека уапсила 25-годишен маж и ги истражува причините за нападот.
Засега ништо не се открива за жртвите, но се нагласува дека нападот бил со предумисла. Нападот се случил утрово во 07:40 часот по локално време.
Нападот предизвика бурни реакции на кинеските социјални мрежи, каде корисниците најмногу оставаа коментари во кои се вели дека се „шокирани“.
Ваквите злосторства се релативно ретки во Кина, но во последниве години имаше голем број напади со нож, вклучително и неколку во училиштата.