Индискиот тинејџер Лалит Патидар влезе во Гинисовата книга на рекорди како маж со највлакнесто лице во светот, со 201 влакно на квадратен сантиметар кожа.
Над 95 отсто од неговото лице е покриено со влакна, што е предизвикано од хипертрихоза, исклучително редок синдром познат и како „синдром на врколак“, според веб-страницата на Гинисовата книга на рекорди.
Ова е еден од само 50 документирани случаи пријавени ширум светот од средниот век, што го прави тинејџерот еден од милијарда луѓе со овој синдром.
Лалит вели дека научил да го прифаќа овој синдром, по години непримерни коментари од непознати и малтретирање на училиште, а сега има и канал на YouTube.
„Тие се плашеа од мене, но кога почнаа да ме запознаваат и да разговараат со мене, сфатија дека јас не се разликувам толку од нив, туку изгледав поинаку само однадвор, но не бев поинаков одвнатре“, вели тој.