Куќата, проценета како „веројатно најтесната куќа во Лондон“, е ставена на продажба и за неа се бараат 1,3 милиони долари, според Си-Ен-Ен.
Ширина од околу 180 сантиметри, зафаќа околу 96 квадратни метри, а куќата порано била продавница за шешири, според агентот за недвижнини кој ја продава.
Куќата со две спални соби во Шепард Буш во западен Лондон ја редизајнирал модниот фотограф Јирген Телер.
– Необична е, шармантна и одлична за забава, ќе им се допадне на оние што мислат дека има повеќе во животот отколку „два доле, два горе“ – вели Дејвид Мејерс, агент за продажба.
На ниво на подрумот се наоѓа кујната, трпезаријата и двојните стаклени врати што водат кон градината, додека на првиот кат е дневната соба.
На вториот кат се наоѓаат работната соба и спалната соба и терасата на покривот.
На третиот кат има две бањи и гардеробер, на самиот врв е главната спална соба.
На овој начин, најдобро се користи таков простор.
Тесните куќи веќе долго време се во фокусот на државите каде земјата се оданочува по ширина, како Виетнам и Холандија, а Јапонија се етаблираше како пионер на ова поле.
