Соработката на познати имиња во производството на часовници и автомобили не е нешто необично, но оваа оди подалеку од се што е видено досега.
Ричард Мил е еден од најугледните производители на часовници, а неговата соработка со најпознатите имиња во автомобилската индустрија редовно резултира со ремек-дела. Така, часовникот е создаден во соработка со McLaren во чест на моделот Speedtail и се продава за дури 821.000 евра.
И во тој случај не се прекршува „непишаното правило“ дека часовникот сепак мора да биде поевтин од автомобилот со кој е збратимен.
Најновото дело оди чекор понатаму. Откако неодамна ги здружија силите, го имаат првиот производ за кој ќе се зборува со години. Неговото име е RM UP-01 и е најтенкиот механички часовник во светот. Верувале или не, неговата дебелина е само 1,75 mm, што значи дека е точно 0,05 mm потенок од директниот ривал, моделот Bulgari Octo Finissimo Ultra. На пример, прамен од косата е дебел од 0,017 до 0,18 мм.
Поголемиот дел од видливата структура е направена од легура на титаниум со примеси на алуминиум и ванадиум. Подвижниот дел од часовникот е дебел само 1,18 mm, што е и светски рекорд. Има резерва на енергија од 45 часа, што значи дека ќе треба релативно често да го навивате.
Водоотпорен е до длабочина од 10 метри, а може да издржи и екстремно тешки товари. Ако се прашувате колку време им било потребно за дизајнирање и изработка на овој часовник, компанијата вели дека потрошиле околу 6.000 работни часови.
На пазарот ќе бидат понудени само 150 примероци од овој навистина посебен рачен часовник, а секој ќе се нуди по цена од 1,85 милиони евра.