Најмалку осум лица загинаа во израелски воздушен напад во Газа

Најмалку осум лица загинаа синоќа во израелски воздушен напад врз северниот дел од Појасот Газа, соопшти Цивилната одбрана на Палестинската територија.

„Осум лица загинаа по израелски напад насочен кон домот на Осама Ал-Арбид, северно од градот Газа“, изјави портпаролот на Цивилната одбрана Махмуд Басал.

Агенцијата Франс Прес изјави дека домот на Осама Ал-Арбид, локален новинар и снимател, бил цел.

Прекршувајќи го двомесечното примирје, Израел ја продолжи својата офанзива врз Појасот Газа кон средината на март, а на 17 мај ги интензивираше воените операции со цел уништување на Хамас, ослободување на заложниците и преземање контрола врз територијата.