На Обединетите нации (ОН) ќе им требаат најмалку 41 милијарда долари следната година за да им помогнат на 183 милиони најранливи луѓе во светот погодени од епидемијата на коронавирус, конфликтите и климатските промени.
Канцеларијата на ОН за хуманитарни прашања (OCHA) денеска објави дека во 2022 година ќе биде потребна некаква итна помош за околу 274 милиони луѓе.
Тоа ќе биде скок од 17 проценти во споредба со 2021 година, според OCHA.
Никогаш досега немало толку многу луѓе кои имаат потреба, изјави потсекретарот на ОН за хуманитарни прашања Мартин Грифитс.
Во годишниот извештај на агенцијата на ОН се наведува дека потребната помош се должи на климатските промени, а Етиопија, Мјанмар и Авганистан се наведени како најзагрозени земји, каде 22 милиони Авганистанци на ОН ќе треба да одвојат 4,5 милијарди долари само за помош.
Помош ќе биде потребна и поради пандемијата на корона вирусот, која ќе влезе во третата година на почетокот на 2022 година. До денес, повеќе од пет милиони луѓе официјално починале од ковид-19.
Пандемијата имаше негативно влијание и на борбата против болестите како СИДА, маларија и туберкулоза.
Според ОН, оваа година 23 милиони деца не можеа да ги примат основните вакцини.