Крузерот „Icon of the Seas“ е најголемиот во светот. Планирано е оваа луксузна морска убавица да исплови во јануари 2024 година. На посетителите им се нудат бројни базени, водопади и тематски паркови.
Компанијата „Royal Caribbean“ откри детали за својот најголем брод за крстарење во светот „Icon of the Seas“.
Тоа ќе биде најголемиот брод за крстарење со неверојатен опсег на различни удобности за сечиј вкус.
Оваа луксузна морска убавица треба да исплови во јануари 2024 година.
Дел од бродот е дизајниран многу урбан, како Централ Парк. Ќе има водопад висок 16 метри, решетки, тобоган, кино, караоке и огромна тераса.
Крузерот има зафатнина од 250.800 тони, долг е 365 метри и е три метри подолг од крстосувачот „Wonder of the Sea“ кој моментално е најголем во светот.
Може да прими 7.600 патници и 2.350 членови на екипажот. Има 2.805 кабини и е фокусиран на семејните одмори. Посетителите ќе можат да уживаат во луксузните семејни кабини и апартмани.
На врвот на бродот за крстарење е AquaDome, кој преку ден ќе има сопствен водопад и поглед на океанот, а навечер ќе се трансформира во центар за забава со ресторани, барови и ревии.
Бродот ќе биде опремен со најсовремени технологии вклучувајќи модерна роботика.
„Од моментот кога посетителите се качуваат на бродот за крстарење, секое нивно движење е дизајнирано да им го понуди најдобриот одмор. Пред се, „Icon of the Seas“ е наменета за семејни одмори“, истакна Џејсон Либерти, претседател и извршен директор на „Royal Caribbean Group“.