Повеќе од 50.000 луѓе се раселени во северно Мароко поради поплави, додека напорите за помош се уште се целосно мобилизирани, објави вечерва „Еуроњуз“.
Мароко се соочува со сериозни поплави на северот од земјата, особено во регионите Тангер, Тетуан и Ал Хосеима, по месеци континуирани дождови.
Во Лараш, на северот од земјата, се поставени засолништа за итни случаи за сместување на семејствата загрозени од поплави.
Водоотпорни шатори се поставени и на фудбалските стадиони за сместување на раселените, соопштија локалните власти.
Засолништата, кои се поврзани со основните комунални услуги, ќе останат отворени сè додека зголемените нивоа на реката Лукос претставуваат закана.
Сигнолози предвидуваат повеќе дожд, додека некои жители го користат затишјето на дождот за да се вратат дома за кратко време.