Над половина метар снег измери утринава Управата за хидрометеоролошки работи на Попова Шапка и Маврови Анови.
Loading...
Според мерењата извршени утринава во 7 часот, 58 сантиметри снег има на Попова Шапка, а 55 сантиметри на Маврови Анови.
Снежна покривка од по 15 сантиметри има и во Тетово и Крушево, додека во Гостивар изнесува 10 сантиметри.
Најмногу дожд изминатото деноноќие наврнал во Гевгелија, дури 26 литри на метар квадратен.
Во текот на денот денеска времето низ Македонија ќе биде претежно облачно и студено со локални врнежи од дожд и снег, особено претпладне.
Ќе дува умерен, наместа долж Повардарието повремено засилен ветер од северен правец.
Максималната температура ќе достигне од 1 до 6 степени.
Никола Ивановски
Loading...