Истражување спроведено од психологот Пол Долан откри дека бракот им годи на мажите, но не и на жените. Ова не е прво истражување кое го потврдува овој факт.
„Ако сте маж, би требало да се ожените, но ако сте жена, подобро е тоа да не го направите“, вели професорот.
„Мажите во бракот се смируваат, помалку ризикуваат, заработуваат повеќе пари на работа, живеат подолго. Жените мораат да се носат со тоа и умираат многу порано. Најсреќната и најздравата група се жените кои никогаш не се мажеле и немаат деца“, вели Долан во интервју за Guardian.
Друго истражување исто така покажало дека мажите во брак се значително посреќни од самците.
Истражувањето проучувало 3.682 возрасни луѓе вo период од 10 години, а покажало дека мажите во брак имаат 46 проценти помала стапка на смртност од оние кои не се оженети.
Ова го потврди и истражување од Харвард коe откри дека самците имаат и до 82 проценти поголема опасност од умирање од срцеви заболувања во споредба со мажите кои се во брак.
Покрај тоа, луѓето кои се во среќен брак имаат и други придобивки бидејќи ја имаат поддршката од партнерот.