Ракометарите на Куманово забележаа пораз од вчерашниот дуел со Алкалоид на домашен терен со резултат 21:35.
Уште од стартот на мечот, и покрај големата поддршка од трибините, кумановци немаа доволно сили да му парираат на гостинскиот состав, па на пауза Алкалоид замина со предност од високи 17:10.
Високата предност во вториот дел од средбата беше уште поголем проблем за домашните, кои се бореа за пресврт, но без успех.
Тоше Ончев и Борјан Цековски беа најефикасните игрчаи на Куманово кои впишаа по пет погодоци, додека во победничкиот состав со осум гола најдобар беше Марин Серафимов.
Следното коло екипата на МРК Куманово, гостува кај Струга каде ќе ја бара втората победа во шампионатот.
Никола Ивановски