Двајца интернационалци од Египет ќе го засилат составот на Машкиот ракометен клуб Куманово.
Како што потенцираат од клубот тие ќе го засилат моменталниот играчкиот кадар и веднаш ќе му се стават на располагање на тренерот Александар Радосављевиќ во продолжението од сезоната.
Станува збор за левиот бек Омар Мамду Радван Солиман и десниот бек Мохамед Карим Али Закарија.
Последниот нивен ангажман е во српскиот ракометен тим Металац Краљево.
Омар е актуелен младински репрезентативец на Египет и роден во 2005 година, додека Карим е една година помлад.
Двајцата ракометари потпишаа договор со кумановскиот суперлигаш кој е со важност оваа и наредната сезона.
Никола Ивановски