Машкиот ракометен клуб Куманово во новата сезона од домашниот шампионат ќе влезе засилен со тројца играчи од Македонија и еден од Бразил.
Како што соопшти клубот, десниот бек од Бразил, Каио Винициус Де Соуза Мораис е првото ново засилување.
За него ова ќе биде прво искуство во Европа, а договорена е соработка на две сезони.
Тој доаѓа од Праиа Клуб, има 21 година и настапи за Бразил на Светското првенство во Германија и Грција минатата година, каде беше меѓу најдобрите стрелци на јужноамериканската репрезентација.
View this post on Instagram
Од домашната сцена ново засилување е Благој Христовски.
Тој ќе остане во Куманово најмалку до јуни 2026,потпишувајќи двегодишен договор со Куманово.
Благој има 19 години и воск е 193 сантиметри, игра на позиција лев бек и доаѓа од тимот на Еурофарм Пелистер.
View this post on Instagram
И Давид Димевски ќе ги брани боите на Куманово од следната сезона.
Тој е младински репрезентативец на Македонија и по две сезони минати во Алкалоид, се враќа во родниот град и ќе го облече дресот на Куманово.
View this post on Instagram
Меѓу новите засилувања е и кружниот напаѓач Борјан Цековски.
Тој потпиша двегодишен договор со МРК Куманово. Има 18 години и висок е 191 сантиметар.
View this post on Instagram
Никола Ивановски