Младиот музичар од Куманово, Лука Чомбе, ја претстави својата најнова песна со наслов „Паника“, со која продолжува да го гради својот автентичен музички израз на домашната сцена.
Автор на музиката и текстот е самиот Лука Чомбе, додека продукцијата е доверена на Иван Јованов – Iwayo. За миксот, мастерингот и аранжманот заеднички работеа Иван Јованов – Iwayo и Давид Ивановски, што на песната ѝ дава модерен и професионален звук.
Видеоспотот за „Паника“ е реализиран во продукција на Urban Records, а режијата ја потпишува Гордан Божиновски. Со впечатлива визуелна приказна, видеото дополнително ја надополнува емоцијата и пораката на песната.
Со „Паника“, Лука Чомбе уште еднаш покажува дека Куманово има млада музичка сцена со сериозен потенцијал, а песната веќе го привлекува вниманието на публиката на социјалните мрежи и музичките платформи.
Песната може да ја слушнете во продолжение:
Никола Ивановски