Мирослав Тричковиќ од Коалицијата на ВМРО-ДПМНЕ од денеска официјално е нов член на Советот на Општина Куманово.
Неговиот избор го потврди и верификационата комисија при советот.
– Верификационата комисија на Советот го разгледа уверението на советникот Мирослав Тричковиќ од коалицијата ВМРО-ДПМНЕ издадено од ОИК и утврди дека советникот има уредно и врз основа на закон поднесено уверение за неговиот избор. Врз основа на тоа верификационата комисија му предлага на Советот на Општина Куманово да го усвои овој извештај и да изврши верификација на неговиот мандат, рече Лидија Костиќ, претседателка на верификационата комисија.
Тричковиќ ја потпиша и свечената изјава и со тоа официјално стана дел од составот на Советот.
Тој доаѓа на местото на Бобан Николовски кој во меѓувреме стана директор на ЈП „Куманово план“ и поднесе оставка.
Инаку, Тричковиќ е член на ДПСМ и досега бил дел од Советот на Општина Куманово и во претходните два состави.
Никола Ивановски