Нема регистрирани нарушувања на изборниот проес, ниту на предизборниот молк во Куманово, а гласањето се одвива без проблеми.
– На подрачјето на СВР Куманово не се регистрирани прекршоци за нарушување на предизборниот молк и до сега изборниот процес поминува мирно без никакви нарушувања на јавниот ред и мир, информираат од Секторот за внатрешни работи.
Кристина Цветковска, претседател на Општинската изборна комисија информираше дека нема никакви проблеми и гласачите си го остваруваат своето право на глас.
– Засега се тече како што треба, опремата си работи како што треба, отворено е во 7 часот, нема никакви пријавени проблеми, гласачите си гласаат, изјави Цветковска.
Во Куманово денеска се гласа на 167 избирачки места, а право на глас имаат вкупно 94.041 полнолетни граѓани.
Никола Ивановски