Министерот за полиција на Мадагаскар пливал 12 часа за да се спаси од давење и да стигне до брегот, откако неговиот хеликоптер се урнал за време на спасувачка мисија.
Серж Геле (57), министерот за полиција на Мадагаскар, останал неповреден откако неговиот хеликоптер се урнал во морето кај североисточниот брег на островот Мадагаскар пред неколку дена, во понеделник на 20 декември.
Министерот за полиција на Мадагаскар и уште еден претставник биле дел од мисијата за спасување на товарен брод што тоне.
Според извештаите, бродот нелегално превезувал 138 патници кога потонал. Се претпоставува дека најмалку 64 лица загинале, додека уште 24 се водат како исчезнати, а пронајдени се 50 преживеани.
И г-дин Серж Геле и неговиот колега офицер, началникот Андријан Андрианарисон Лаитсара Џими, успеале да излезат од хеликоптерот што се расипал додека ја надгледувале сцената на потонатиот брод, пишува веб-страницата Лад библи.
Претседателот Андри Рајоелина на Твитер рече дека е многу тажен за загинатите, а исто така им оддаде почит на Геле и на уште двајца полицајци, кои одделно пристигнале во крајбрежниот град Махамбо.
Говорејќи во видео по неговото огромно патување, г-дин Геле рече: „Жив сум, безбедно пристигнав во Махамбо и благодарен сум на сите рибари и селани на Махамбо, како и на менаџерот на хотелот г-дин Џејсон“.
♦️Le GDI Serge GELLE, un des passagers de l’hélicoptère accidenté hier a été retrouvé sain et sauf ce matin du côté de Mahambo.
☑️ Les sapeurs sauveteurs de la #4°UPC ont également retrouvé le carcasse de l’hélicoptère au fond de la mer. pic.twitter.com/sP2abwTMwB— Ministère de la Défense Nationale Madagascar (@MDN_Madagascar) December 21, 2021