Речиси милион луѓе во предградијата на Вухан, централниот кинески град каде за прв пат беше регистриран коронавирусот, се ставени во карантин.
На жителите на округот Џиангсија им беше наредено да останат во своите домови или имоти три дена откако беа откриени четири асимптоматски случаи на КОВИД-19.
Кина спроведува стратегија „нулта стапка на КОВИД-19“, вклучувајќи масовно тестирање, строги правила за изолација и локални карантини.
Ова резултираше со многу помалку смртни случаи отколку во многу други земји.
Сепак, стратегијата сега се соочува со зголемен отпор бидејќи луѓето и бизнисите продолжуваат да се соочуваат со рестриктивни мерки.
Во Вухан, град со 12 милиони жители, рутинското тестирање откри два асимптоматски случаи на вирусот пред два дена.
Набргу по издавањето на наредбата за затворање беа пронајдени уште два случаи на инфекција преку следење на контакт.