Руската инвазија на Украина е брутален напад кој ги игнорира човековите права и нема никакво оправдување за тоа, изјави поранешната германска канцеларка Ангела Меркел во првото интервју по нејзината оставка.
Таа рече дека нападот е голема грешка, но додаде дека никогаш немало шанса да се создаде безбедносна архитектура која ќе ја убеди Русија да бара алтернативна рута.
Можевме ли да сториме повеќе за да го спречиме тоа?
„Секако дека се прашував што згрешивме“, рече Меркел за големата трагедија.
„Дали можевме да направиме повеќе за да го спречиме ова, она што јас го нарекувам голема трагедија. И затоа сè уште се прашувам тие прашања“, додаде таа.
Но, таа исто така рече дека нема намера да се извинува што бара дипломатски решенија за тензиите што растеа додека беше канцелар.
„Дипломатијата не е погрешна затоа што не успеа. Затоа не гледам зошто да кажам дека згрешив и нема да се извинувам за тоа“, нагласи Меркел.
Меркел: Јас сум канцелар во пензија, не сум обичен граѓанин
Таа рече дека не е наивна кога станува збор за омразата на рускиот претседател Владимир Путин кон западниот демократски модел, додавајќи дека неколку пати ги предупредила своите колеги дека Путин сака да ја подели Европската унија.
Таа рече дека нејзината поранешна должност ја обврзува кога зборува за војната.
„Јас сум федерален канцелар во пензија и не сум обичен граѓанин“, изјави поранешната германска канцеларка.
Затоа, додаде таа, мора да внимава кога разговара на темата, бидејќи не е нејзино да дели совети од страна.
Наместо тоа, таа се држи до состаноците во кои ужива.