Амбасадорката на Украина во Македонија, Наталија Задорожњук денеска одржа видео брифинг на кој даде детализ а треитот ден од рускиот напад во нејзината земја.
Како што вели, непријателот „бомбардира и лансира ракети во сите правци“.
Во продолжение интегрално ви го пренесуваме нејзиното обраќање.
„Најцинично е што цел на нападите се социјалната сфера, цивилите. Ракети беа лансирани кон градинки и сиропиталишта, стрелат по колите на итна помош, хоспитали. Вчера ракета беше лансирана во висококатница во Кијив на улицата Лобановскиј. Во близина има породилиште, училиште. Гранатирањето на куќата на Лобановскиј ќе биде една од епизодите во истрагата за воените злосторства на рускиот режим во Меѓународниот кривичен суд во Хаг. Соодветниот правен процес е веќе започнат.
Злото, обично излегува навечер. Оваа ноќ повторно беше силно бомбардиран нашиот прекрасен илјадагодишен Кијив. Русите се обидуваат да го опкружат нашиот главен град од сите страни. Ги бомбардираат сите делови на Кијив.
Тие лансираат диверзантски групи кои се претставувват како украински војници или полицајци облечени во нивната облека.
Во Кијив се водат борби.
Но, и оваа ноќ, благодарение на нашите војници и жители од градот, нашиот сакан град издржа. Луѓето го бранат својот град, им се доделува оружје.
Заклучно со 6 часот наутро на 26 февруари, во Кијив беа повредени 35 лица, меѓу кои и две деца.
Утрото на 26 февруари, рускиот режим брои загуби во војната на Русија против Украина. Имат човешки загуби – повеќе од 3.500 руски војници, речиси 200 војници беа земени во заложништво, соборени се авиони и погодени се тенкови.
За жал и ние имаме загуби. Сред цивили 198 мегу нив 3 деца. 1115 се ранети, мегу нив 33 деца.
Имаше жестоки битки низ целата територија на Украина. Русите прво бомбардираат, а потоа испраќаат тенкови. Нашите војници водат жестоки битки.
Но, во текот на оваа вечер и нок Русите не успеаја да преземат контрола над ниту еден украински град.
Имаме загуби. Умираат најдобрите. Но, ние сме на своја земја, нема каде да се повлекуваме. Украинците ќе продолжат да се борат.
Благодарни сме му на светот за помошта. Секој нов ден носи нови санкции, оружје и изолација на Русија. Веќе пристигнаа противтенковски оружја, опрема за противвоздушна одбрана, муниција за сите видови оружје и артилерија, автомобили, панцири, гориво. Ќе има уште повеќе.
Путин и Лавров лично се вклучени во санкциите на ЕУ. Веќе се работи на нов пакет санкции.
Руските банки, компании, стоки буквално се исфрлаат од полиците, финансиските системи, берзите.
Русија е лишена од спортски и забавни настани – Лигата на шампиони и Евровизија.
Голем број земји веќе го затворија воздушниот простор за руските авиокомпании, а денес тој број само ќе расте. Светските отпадници ќе мора или воопшто да не летаат или да прелетуваат преку пола свет. Неколку земји од ЕУ престанаа да издаваат визи за Русите.
Во Советот за безбедност на ООН, за време на обидот да се утврди резолуција, Русија очајно се обидуваше да не остане единствената земја која ќе стави вето. Тоа не ѝ успеа. Дури и блиските нејзини пријатели се воздржуваа од отворено застанување на страната на Русија.
Нашата упорност секој час привлекува на наша страна сè повеќе и повеќе партнери од меѓународната коалиција во одбраната на Украина и светот. Нашата количина се зголемува. Вистината ќе победи, стои во соопштението од Амбасадата на Република Украина во Македонија.