Потпретседателот на Советот за безбедност на Руската Федерација, Дмитриј Медведев, денес изјави дека некои европски политичари се обидуваат да ги спречат напорите на Соединетите Американски Држави да најдат решение за конфликтот во Украина, додека украинските власти, како што изјави, прибегнуваат кон вработување луѓе поврзани со латиноамериканските нарко-картели за да учествуваат во борбите.
„Додека европските политичари се обидуваат да ги спречат американските напори за решавање на украинскиот конфликт, режимот во Киев во паника ги вработува најекстремните елементи, вклучувајќи ги и членовите на озлогласените нарко-картели од Колумбија и Мексико, како што се „Клан дел Голфо“, „Синалоа“ и „Халиско Нуева Генерацијашн“, напиша Медведев на својот Телеграм канал, пренесува руската новинска агенција ТАСС.
Според неговите изјави, регрутирањето на овие борци го врши компанија со седиште во Меделин, но, како што тврди, таквите борци не претставуваат сериозна закана на бојното поле.
„Нашите сили ги елиминираат со голем интензитет, побрзо отколку што можат да ги вратат нивните тела“, рече Медведев.