Маж повреден при обид да го изгасне пожарот кој пеплоса куќа во Никуљане

Шеесет и четиригодишен маж се здобил со повреди при обид да го изгасне пожарот кој вчера пеплосал куќа во селото Никуљане.

– На 07.08.2024 во 12.30 часот во СВР Куманово било пријавено дека настанал пожар во куќа во с.Никуљане, кумановско. При обид да го изгасне пожарот, С.Д.(64) од Куманово се здобил со повреди и бил пренесен во Општа болница Куманово за укажување лекарска помош, информираат од Секторот за внатрешни работи Куманово.

Пожарот бил успешно изгаснат од пожарникарите на ТППЕ Старо Нагоричане, а во негово локализирање учествувале тројца пожарникари со две противпожарни возила во период од 12:30 до 16:15 часот.

Никола Ивановски