Најмалку едно лице е убиено во вчерашниот масовен руски напад врз централна и југоисточна Украина, објавија властите во саботата, а куќи и деловни објекти се оштетени во неколку градови.
– Вечерва, непријателот изврши масовни напади врз Запорожје – објави украинската државна служба за вонредни ситуации на Телеграм.
Најмалку едно лице е убиено, а шеснаесет се ранети, меѓу кои и две деца, според началникот на регионалната воена администрација, Иван Федоров.
– Во рускиот напад се уништени приватни куќи, оштетени се многу згради, вклучувајќи кафулиња, бензински пумпи и индустриски претпријатија – рече Федоров.
Централниот регион Дњепропетровск на Украина, исто така, беше нападнат во саботата наутро, рече гувернерот, известувајќи за напади во Дњепарк и Павлоград.