Лидерката на екстремно десничарското Национално собрание Марин Ле Пен денеска изјави дека нејзината партија нема да формира влада доколку не добие апсолутно мнозинство.
Партијата на Ле Пен е големиот победник во првиот круг од парламентарните избори што се одржаа во неделата во Франција.
„Не можеме да прифатиме да ја напуштиме владата ако не можеме да дејствуваме“, потврди Марин Ле Пен за француското радио Ентер.
Таа најави и дека нема да биде дел од владата и дека нема да биде на чело на Народното собрание, туку ќе го води пратеничкиот клуб.
И претседателот на нејзината партија, Џордан Бардела, пред првиот круг изјави нема да влезе во владата без апсолутно мнозинство во Народното собрание.
Ле Пен смета дека ако не можат да ги променат политиките што се спроведуваат, ако не можат да дејствуваат, тоа би било најлошото предавство што нејзината партија може да им го направи на своите гласачи.
„Моите гласачи се интелигентни и слободни“, рече таа, додавајќи дека овие избори се избори за еманципација на францускиот народ,
Зборувајќи за можноста Бардела да стане премиер, Ле Пен уверува дека е „подготвена“.
„Оваа влада ќе биде комплетна, ќе биде компетентна, ќе ја сочинуваат луѓе од Националното собрание, луѓе кои учествуваа со нас во изборната борба и луѓе од граѓанското општество“, уверува Ле Пен.
Таа најави и дека нема да биде дел од оваа влада.
„Ова апсолутно мнозинство е изводливо“, смета Ле Пен.
Ле Пен изјави дека нема да биде претседателка на Националното собрание, таа ќе биде шеф на пратеничката група.
Таа, исто така, рече дека претседателот Емануел Макрон прави сè за да се обиде да се спротивстави на демократскиот процес, пренесува Франс радио.
Таа додаде дека Макрон со сите средства се обидува да го спречи Националното собрание да дојде на власт.