Тринаесетгодишно момче од липковското село Лојане се здобило со тешки повреди откако во него удрил мопед на патот Лојане – ГП Миратовац.
Loading...
– На 27.08.2025 околу 21:10 часот во СВР Куманово, е пријавено дека на регионалниот пат с.Лојане-Граничен премин Миратовац, кај с.Лојане, општина Липково, мопед удрил во 13-годишник од с.Лојане, општина Липково по што возачот со мопедот го напуштил местото на настанот, информираат од Министерството за внатрешни работи.
Како што додаваат од МВР, во несреќата со тешки телесни повреди се здобил малолетникот, констатирани во Општата болница Куманово.
– Извршен бил увид од увидна екипа од СВР Куманово и се преземаат мерки за пронаоѓање на возачот на мопедот, стои во соопштението.
Никола Ивановски