Францускиот претседател Емануел Макрон разговараше со неговиот американски колега Џозеф Бајден за ситуацијата во Авганистан.
Елисејската палата посочи дека во телефонскиот разговор меѓу Макрон и Бајден, се разговарало за ситуацијата откако Талибанците ја презеле контролата над Авганистан.
Се додава дека Макрон ја нагласил апсолутната потреба за брза и конкретна координација.
„Претседателот пред колегата ја истакна нашата заедничка одговорност кон Авганистанците кои ги делат нашите вредности и на кои им е потребна заштита, како и дека не можеме да ги оставиме“, стои во соопштението.
Двајцата лидери се согласиле да ги зајакнат заедничките акции на хуманитарно и политичко поле, но и во борбата против тероризмот, особено во рамките на Г7.