Во новата епизода на американската ТВ серија „Gypsy Brides US“девојка, Ромка по име Мери и нејзините родители Ли Ен и Џо.
Мери тврди дека нејзините родители постојано се расправаат за нејзиното воспитување, мајката сака да го следи ромскиот начин на живот, додека нејзиниот татко верува дека детето треба да се одгледува надвор од ромската заедница, пишува The Sun.
– Многу се расправаат за тоа. Мајка ми сака да чистам. Татко ми сака да станам писател затоа што навистина сакам да пишувам – рекла Мери.
Тензијата меѓу двојката само растела, особено кога се наближувал деветтиот роденден на девојчето, за што нејзината мајка организирала забава. Семејството од Филаделфија беше возбудено поради прославата, но сето тоа од различни причини. За разлика од Мери и нејзиниот татко, мајката на Ли Ен навистина се радуваше на забавата за да може нејзината ќерка да најде потенцијални идни сопрузи.
– Мораме да направиме забава за да може да ги запознае идните сопрузи. Знаете, ова е за нивните семејства, да ја ’скицираат’ мојата ќерка малку – вели Ли Ен и продолжува:
– Мојот сопруг мисли дека нашата култура е шега. Која е разликата помеѓу 14 или 40 години? Таа мора да ја продолжи традицијата. Ако чека подолго од 18, повеќе нема да биде барана. Така е направено.
Во расправија со Џо, кој мисли дека неговата ќерка ќе си го потроши животот ако ги следи традиционалните ромски норми, мајката рече:
– Не е загуба на живот кога одгледуваш деца и се грижиш за својот дом.
Меѓутоа, нејзиниот сопруг остана на зборот и одговори:
– Нема да има деца од 14 години. Тоа е лудо. Дека 14-годишно дете да има бебе ?! Нема шанси. Забавно е за девојките, по ѓаволите, но нема да дозволам момците да ја опкружуваат и малтретираат. Мажот е маж, а таа е 9-годишно девојче, тоа нема да го толерирам.
За Ли Ен оваа забава била повеќе од прослава на роденденот на нејзината ќерка, таа се обидела и да воспостави подобар однос со своето ромско семејство, бидејќи Џо не е Ром. Но, и покрај нејзините максимални напори, никој од нејзиното семејство не се појави на забавата.
„Веќе не сум Ромка“, налутено рекла Ли Ен, навредена. Видеото е прегледано повеќе од 5,3 милиони пати на Јутуб.