Белорускиот претседател Александар Лукашенко изјави дека има многу прашања за кои би сакал да разговара со рускиот лидер Владимир Путин, со кого ќе се сретне на самитот на Шангајската организација за соработка во Астана, пренесува Белта.
„Наскоро ќе се сретнам со Путин. Има многу прашања што треба да ги разгледаме“, рече белорускиот претседател на средбата со претседателот на Државната дума, Вјачеслав Володин.
Западот едвај чека да ја вовлече Белорусија во воен конфликт, рече Лукашенко на средбата со Володин.
За време на средбата, Лукашенко се осврна на прашањето за билатералната соработка и ситуацијата околу Белорусија.
„Тие едвај чекаат да не вовлечат во конфликтот. Сакаат да не разделат по оваа граница, да ни го оневозможат отпорот и да поттикнат тензии до таа мера што ќе затрепери целиот свет. Ситуацијата е крајно сериозна и во никој случај не треба да се опуштиме“, рече Лукашенко.
Претходно портпаролот на Кремљ Дмитриј Песков изјави дека распоредувањето на украинската армија и воена опрема на границата со Белорусија предизвикува загриженост не само во Минск, туку и во Москва.
„Доколку е потребно, рускиот претседател Владимир Путин и белорускиот лидер Александар Лукашенко ќе разговараат за ситуацијата на границата. Двајцата ќе се сретнат во наредните денови на маргините на самитот на ШОС во Астана“, изјави Песков, пренесува РТ Балкан.