Белорускиот претседател Александар Лукашенко му се закани на Западот да го ограничи транзитот низ Белорусија во случај на нови санкции против Минск.
„Ако извршите притисок врз новите санкции – ќе ја заобиколите Белорусија преку Северниот пол и Средоземното море. Засега, во услови на пандемија, ќе продолжиме да се однесуваме хумано во однос на транзитот, патничкиот и товарниот сообраќај итн.”, рече Лукашенко во вторникот вечерта, а пренесува весникот „Белорусија денес”.
Според него, санкциите немаат никаква врска со правниот систем, пренесува Спутник.
„Примената на ограничувачки мерки како инструмент за притисок врз суверена држава е беззаконие и уцена на меѓународно ниво. Тоа е уцена која, дозволете ми да ве потсетам, е осудена во документите на ООН и другите меѓународни организации како неприфатлива мерка“, истакна Лукашенко.
Тој потсети дека пакетот санкции против Белорусија е воведен на денот на 80-годишнината од почетокот на Втората светска војна и го објасни потегот со зборовите дека „Европа не се грижи за луѓето кои најмногу страдаа од варварските и нехумана инвазија на европскиот фашизам“.
Како што рече, санкциите не беа воведени само против Минск.
Тие се воведени и против Руската Федерација, додаде тој и оцени дека приказната со неодамнешното слетување на авионот во Минск е само формална причина за санкции.
По претседателските избори на 9 август 2020 година, на кои победи сегашниот претседател Александар Лукашенко, во Белорусија започнаа масовни протести на опозицијата.
Европската унија, Соединетите Американски Држави и Канада исто така не ги признаваат изборните резултати и воведоа санкции кон Белорусија, меѓу другото и поради присилното слетување на авионот на Рајанер во Минск и апсењето на опозициски новинар кој беше на тој лет.