Во последно време, често може да се слушне коментарот дека живееме во „тешки и предизвикувачки времиња“, а особено „тешка и предизвикувачка“ за многумина беше минатата година.
Сепак, често се објавува некое истражување кое ни покажува дека „не е сè така црно“ како што може да изгледа.
Неодамнешното истражување на Травелџ исто така откри дека луѓето генерално, и покрај сите лоши работи што можеби им се случиле, биле подобри, „потопли“ и поискрени еден кон друг во текот на изминатата година.
Без разлика дали станува збор за повици на Зум до постарите членови на семејството или волонтирање и помагање на оние што изгубиле најмногу, истражувањата покажаа дека повеќе не работиме напорно само во врски со најблиски, туку и со странците.
Повеќето од нив се обиделе да одржат редовни контакти со роднините минатата година, а многумина помагале или донирале на разни добротворни организации повеќе од порано.
Од испитаните 2.000 волонтери, две третини велат дека разговарале со странци повеќе од кога било неодамна, а третина од учесниците исто така велат дека веруваат дека случајните добри дела се „заразни“.
Како дел од ова истражување, Травелџ исто така потсети на приказните за неколку добродетели чии несебични добри дела одекнаа на порталите ширум светот: како што е хотелски менаџер во Милтон Кинс кој му дал работа како рецепционер на бездомник, лекар од НХС кој доброволно сакал да дели топли оброци и вреден студент кој поминал пандемиско време во својата соба правејќи радио емисии со предавања на колеџ, за да им олесни на своите колеги.
– Нашите истражувања покажуваат дека во тешки времиња, повеќето сепак се покажуваат во добро светло, но исто така и дека дури и за време на пандемијата на коронавирусот, добрината се шири како зараза – изјави за Метро портпаролката на Travelodge, Шакила Ахмед.