Луѓето често велат дека патувањето ослободува, меѓутоа, некои пасоши нудат повеќе слобода во однос на други. Најновиот извештај шокажува колку граници луѓето можат да поминат доколку имаат пасош од одредена земја.
Според индексот „Henley Passport“, Јапонија е земјата која моментално го има најмоќниот пасош во светот.
Бидејќи претходно овој месец стекнаа безвизен пристап до Мјанмар, јапонските граѓани сега можат без визи да патуваат во 190 земји од светот, со што го надминаа Сингапур кому му беа достапни 189 дестинации.
Ако имате јахта и два авиони, следно е да добиете пасош од Малта (ФОТО+ВИДЕО)
Loading...
Германија кон почетокот на 2018. година се наоѓаше на врвот, но сега е на третото место со 188 дестинации, како и Франција и Јужна Кореја.
Узбекистан ги укина визите за француските државјани на 5. октомври, а веќе одобриле безвизен режим за држајваните на Јапонија и Сингапур во февруари.
Јужна Кореја од 1 октомври добри безвизен пристап до Мјанмар, а Парагвај ги укина визите за Сингапур во 2017. година.
САД и Велика Британија можат да патуваат без визи во 186 земји и се на петтото место.
Русија спадна на 47 позиција и покрај фактот дека нејзините граѓани во сптември добија безвизен режим со Тајван.
Обединетите Арапски Емирати достигнаа најголем успех. Оваа држава од 62. место во 2006. година дојде на 21. на оваа ранг листа.
Кина сега е на 71. позиција, откако се искачи за 14 места од почетокот на 2017. година.
Има и држави кои не се на добар глас, па со самото тоа се на дното од оваа рангирање.
Последното место го делат Авганистан и Ирак, кои се наоѓаат под Сирија, Сомалија и Пакистан.
Нивните државјани имаат најмалку можност за слободно патување.
Македонија е рангирана на 76 место со можност за безвизно патување во 111 земји.