Лондонската полиција со брутална метода за крадците на мотори (ВИДЕО)

Службеници на лондонската Метрополитска полициска служба (МПС) со своите службени возила удираат крадци на мотоцикли за да го намалат бројот на разбојништва и сродни кривични дела направени со помош на мотор, мопед и слични возила.

Од МПС велат дека против крадците на мотоцикли ќе се борат во секоја прилика, па дури и кога крадците опасно возат и ги вадат своите кациги. Полицијата сака да го промени раширеното мислење во јавноста дека крадците кои ги симнуваат кацигите и не застануваат кога ќе им се каже ги пуштаат да избегаат.

Градот во кој косата е највредниот имот: Толку е ценета што крадците ноќе ја крадат (видео)

Поради тоа полицијата објавила и видео во кое се гледа како полицајците се судираат со возачи на мотоцикли. Полицијата нагласува дека таквите зафати ги изведуваат возачи кои минале посебна едукација и велат дека се надеваат со објава на оваа снимка ќе ги обесхрабрат моторизираните крадци.

На оваа акција МПС се одлучил по неодамнешниот раст на кривични дела во кои се користени мотоцикли. Полицијата наведува дека криминалците со украдени мотоцикли се возат по тротоарите и крадат мобилни телефони, рачни торби и други скапоцености, а знаат да ги користат и како средство за бегање по направениот злочин.

Од полицијата велат дека новиот пристап резултирал со пад на бројот на криминалните дела кои се направени со помош на мотори.