Лидерот на јеменската проиранска милиција Хути повика на ескалација против Израел од Јемен и Ирак во четвртокот, откако во средата стапи на сила договорот за прекин на огнот меѓу нивниот сојузник Хезболах и Израел.
Телевизијата Ал Масира на Хутите го пренесе Абдел-Малек ал-Хут:
„На ниво на оската на отпорот, важно е да се надоврземе на она што го постигна либанскиот фронт и дополнително да ескалираме, особено на ирачкиот и јеменскиот фронт“, пренесува Хина.
„Ирачкиот фронт е силен и важен. Има способности кои му помагаат да биде поефективен, со Божја помош, во справувањето со израелскиот непријател“, додаде тој.
Од почетокот на војната во Газа пред една година, Израел е честа мета на проиранските сојузници, таканаречената Оска на отпорот.
Заедно со либанскиот Хезболах и Хамас во Појасот Газа, сојузниците ги вклучуваат милициите во Ирак и јеменските Хути.