Лекови и медицински материјали, како и ремени за затегнување на товар биле запленети од Царинските тимови на Граничниот премин Табановце.
63 пакувања со разни лекови и медицински материјали, меѓу кои сирупи, таблети, чепови, спрејови, клизми, ленти за бандажирање и друго, биле откриени од страна на мобилните царински тимови.
Како што информираат од Царинската управа, пронајдени биле во автомобил со германски регистарски таблички, управуван од македонски државјанин, пријавен за влез во државата на граничниот премин Табановце автопат.
Во вториот случај биле запленети 60 ремени за затегнување на товар, во багажник на автомобил со австриски таблици.
– 60 ремени за затегнување на товар, откриени од страна на мобилни царински тимови пронајдени во багажникот на автомобил со австриски регистарски таблички, со кој македонски државјанин се пријавил за влез во државата на граничниот премин Табановце автопат, велат од Царина.
Никола Ивановски