Загрижувачки број на „трикови“ за убавина од домашна употреба земаат замав на сè попопуларниот „ТикТок“.
Една од најновите во серија е онаа во која корисниците на социјалните медиуми споделуваат видеа во кои пробуваат опасен обид да отстранат бемки од телото. Вознемирувачките видеа покажуваат како луѓето се обидуваат да се ослободат од бемките со стружење, горење или употреба на хемикалии.
Во меѓувреме, излегоа и експерти, предупредувајќи на опасностите од ова и ги повикуваат луѓето да побараат стручна помош ако сакаат да ги отстранат.
Директорот на клиниката за кожа Козмедикс, др. Рос Пери, објасни дека не постои безбеден начин да се отстранат бемките дома и дека обидот да го направите тоа сами може да предизвика трајна штета.
„Употребата на хемикалии или обид за стружење на бемката може да доведе до инфекции, крварење, лузни и деформација на областа“, истакна тој.
Да потсетиме, неодамна луѓето се обидоа да ги избелат забите со белило, што е само уште еден во низата бизарни и опасни трикови кои се проширија низ ТикТок.
Стотици луѓе виделе вакви видеа што ги натера британското здружение на дерматолози, британското стоматолошко здружение и британската фондација за кожа да коментираат за ова прашање.
Меѓу другото, експертите ги советуваа луѓето да не пробуваат ништо сами дома, пишува Мирор.
Д-р Анџали Махто, портпарол на британското здружение на дерматолози, рече:
„Важно е да ги потсетите луѓето дека социјалните мрежи не треба да се користат како примарен извор за дерматолошки прашања“.
„Што се однесува до кожата, тоа може да доведе до непотребен страв или паника таму каде што не е потребно, трошење ресурси како пари на производи што не можат да се користат за лекување на медицински проблеми, потенцијални доцнења во третманот и потенцијално влошување на нечие психолошко здравје“, додаде таа.
https://www.tiktok.com/@sailorgirlfriend/video/6810032909429312773?referer_url=https%3A%2F%2Fwww.index.hr%2Ffit%2Fclanak%2Flijecnik-upozorava-na-opasan-tiktok-trend-koji-moze-trajno-ostetiti-kozu%2F2208829.aspx&referer_video_id=6810032909429312773