Лек за болни и натечени нозе

Loading...
Сподели со своите пријатели

Ако сте една од оние личности кои секој ден мачат мака со напнати и натечени нозе, еве како да си помогнете!

Блага масажа

Масирајте ги нозете со креми и гелови за вени што ги ублажуваат отоците. Најдобри се оние производи што содржат екстракт од див костен и етерично масло од рузмарин, затоа што тие делуваат против воспаленијата и ја подобруваат циркулацијата.

Ладно-топол туш

Секојдневното туширање искористете го за масажа. Со ладна и топла вода наизменично туширајте ги нозете од стапалата кон бедрата.

Вечерна бања

Во млака вода ставете една рака кујнска сол и неколку листови рузмарин, а ако се нозете многу отечени, додадете и две раце листови од маточина. После бањата избришете ги стапалата со пешкир триејќи од прстите кон петиците.

Вежби за подобра циркулација

Штом се разбудите, поттикнете ја циркулацијата со 10-минутна вежба: лежејќи на грб ставете ги рацете под задникот и кружете со нозете како да возите велосипед. Кога сте дома, неколку пати дневно легнете на подот и кренете ги нозете на ѕид. Само после пет минути ќе почувствувате како ја снемува тежината од нозете.