Рускиот министер за надворешни работи Сергеј Лавров денеска се сретна со неговиот унгарски колега Петер Сијарто на маргините на самитот на ОБСЕ во Северна Македонија, соопшти денеска портпаролката на руското Министерство за надворешни работи Марија Захарова.
Таа додаде дека Лавров одвоено се сретнал со министерот за надворешни работи на Ерменија, Арарат Мирзојан.
Лавров пристигна во Македонија со лет преку Грција, бидејќи бугарските власти не дозволија авионот да прелета над бугарска територија доколку во него била Захарова.
Авионот со кој Лавров патувал до Скопје прелетал околу 4.000 километри и ги прелетал Турција и Грција, иако првично беше планирано да лета до Скопје преку Бугарија и затоа летот траел повеќе од пет часа.
Македонија привремено ја укина забраната за руски летови за да и дозволи на руската делегација да присуствува на самитот на ОБСЕ, иако санкциите за другите летови остануваат на сила
На состанокот на шефовите на ОБСЕ нема да присуствуваат американскиот државен секретар Ентони Блинкен и министрите за надворешни работи на ЕУ и Обединетото Кралство Јосеп Борел и Дејвид Камерон, кои синоќа беа во Скопје и присуствуваа на неформална вечера со министерот Бујар Османи, пренесува Танјуг.
На самитот на ОБСЕ се одржа срдечна средба меѓу шефот на српската дипломатија Ивица Дачиќ и рускиот министер за надворешни работи Сергеј Лавров.
Судејќи по моментот кој го уловија камерите на западните агенции, српскиот дипломат застанал до својот руски колега додека се движел кон своето место во салата каде се одржува пленарната седница на Советот.
Како што може да се види од мимиките на видеото, средбата се одвивала на пријателски начин, пренесува Спутник.