„Москва е посветена на обезбедување гаранции за безбедност не само на руската страна, туку и на Украина и Европа“, изјави рускиот министер за надворешни работи Сергеј Лавров.
– Ние сме за обезбедување безбедносни гаранции за Украина, сите европски земји, Русија во согласност со документите што ОБСЕ ги усвои со години и кои го прокламираат принципот дека ниту една земја нема да ја зајакне својата безбедност на сметка на безбедноста на другите – рече Лавров по разговорите со индискиот министер за надворешни работи Субраманџам Џаишанкар во Њу Делхи.
Рускиот министер истакна и дека украинската страна покажува разбирање за реалноста на Донбас и Крим за време на преговорите.
Лавров нагласи дека сè уште нема готови планови за преговори со Украина, но дека тие мора да продолжат. Министерот објасни дека „договорите треба прво да се стават на хартија за време на разговорите во Истанбул“.