„Ланд ровер“ утринава бил опожарен на улицата „Моша Пијаде“ во Куманово, а надлежните велат дека пожарот бил подметнат.
– На 30.08.2025 година во 05:10 часот во СВР Куманово лицето Б.Ц. пријавил дека на улицата „Моша Пијаде“ во Куманово има опожарено возило марка „ланд ровер“ сопственост на А.Г. Пожарот е локализиран од страна на сопственикот и негов сосед, информираат од Министерството за внатрешни работи.
Како што додаваат од МВР, по насоки на дежурен ЈО увидна екипа на ОКТУПА при СВР Куманово извршила увид на лице место при што е констатирано дека пријавениот пожар е подметнат од страна на НН сторител на начин што со непозната течност возилото е испрскано во различни, по што течноста е запалена, а сторителот без да биде забележан од никого се оддалечил од местото на настанот.
– Причинета е материјална штета околу 120.000 денари, велат од МВР.
Никола Ивановски